قلها ثاني قل أحبك من جديد
قل وصرح واجهر بحبي معاك..
لايهمك من عذول لك يبيد
ودي اسمع كلمتك واسكن هواك..
لاتخاف اهواك لي حبل الوريد
حبك بدمي وهجرانك هلاك..
مايهم اشرح وفضفض بالقصيد
وافهم اني ماأنقص من غلاك..
كل خوفي تبتعد ادري عنيد
وادري انك بالحنان الله كساك..
لاتقول انساك في حبك ازيد
وماكتبت الشعر الا في غلاك..
وما عطيت القلب الا لك اكيد
ولا افكر يوم اتعمد اذاك..
ياعسى ربي يحقق ما نريد
ومايمر الوقت في لحظة جفاك..
هذا حبي لك يعبره النشيد
ولا تطيع القول من هذا وذاك..
طيعني لا تكون عن قلبي بعيد
انت حاكم و انا بحبك ملاك..
السبت أغسطس 30, 2008 10:57 pm
